紅館騷開鑼！側田同粉絲近距離接觸 - Concerts Promoter

[ 08-12-2017 ]

歌手側田（Justin）一連兩場紅館演唱會今日開鑼，獲林家棟、雨僑、羅力威、Alan@Mr與太太、鄭俊弘、方力申與父母、

周汶錡、蘇永康等撐場，全場爆滿。開場前有不少Fans都高聲呼叫，場面非常熱鬧！演唱會於8時37分開場，Live Band

先為進場，其後身穿紅色Bling Bling斗篷的Justin由台中慢慢升上，深情唱出《我有今日》，為演唱會揭開序幕。

唱到歌曲《KONG》時，Justin大嗌：「你哋準備好未？」隨即走到台邊的延伸台與Fans近距離接觸，握手以及擁抱。

當Justin演唱時，全場Fans都揮着藍色打氣棒，成一遍藍海，場面極為壯觀。唱畢Justin說：「多謝大家今日嚟到呢度，

但依家唱咗3首就失聲，點算呀？之後仲有30首未唱，等陣首首都要大合唱啦！」

此時工作人員上台為Justin除下斗篷，惹來Fans大叫，Justin笑言：「冇嘢睇㗎，唔使嗌！每次喺香港開演唱會都好開心，

距離上次到今次都隔咗兩年半嘅時間，喺香港開演唱會都會見到一大班親戚兄弟姊妹以及一啲好耐冇見嘅朋友，感覺就好

似搞一場婚禮，希望大家今晚玩的開心啲！」